播放日期:
2021-01-15 19:30
每次拜年，總會見到幾條蛋散。嗱，唔好誤會，我係講緊新年必食的蛋散啫。除咗逗利是，新年的指定動作，就梗係唔少得食返幾件賀年食品喇～蛋散就係其中之一！
聽聞蛋散之所以成為賀年小食，就係貪佢外表金黃，而且一咬就散開，好似落地開花咁好意頭。不過，要令蛋散脆得嚟又鬆化，都唔係咁簡單。即睇大師示範呢個蜜汁脆蛋散，睇吓有咩竅妙喇。
＊《承傳懷舊菜》第二季
懷舊菜式：蜜汁脆蛋散
示範大師：劉礎君師傅
＊中華廚藝學院特約轉載
承傳懷舊菜節目簡介
為了保留昔日菜餚的滋味，一眾資深廚師親手將十道懷舊菜重現觀眾眼前，並將其炮製技巧傳授予新一代廚師，希望一道道載滿情懷的菜式得以承傳。
